Мадриднинг "Реал" клуби Испания Ла лигасининг 19-тури доирасида "Хетафе" меҳмони бўлди ва йирик ҳисобда ғалаба қозонди.

Биринчи бўлимда Анчелотти шогирдларининг ўйини қовушмади. Улар фақат бўлим сўнгига келиб айрим вазиятларни юзага келтира бошлашди. Крооснинг зарбаси дарвоза тўсинига тегиб қайтди.

"Хетафе" иккинчи бўлимда ҳам яхши ҳимояланишда давом этди. Бензема индивидуал ҳаракатлари эвазига мудофаани доғда қолдирди ва Роналду тўп билан таъминлаши оқибатида ҳисоб очилди. Бу ёғига "Реал"нинг иши осонлашиб кетди. Орадан кўп ўтмасдан Бэйл иккинчи голни урган бўлса, ўйин тугашига яқин Роналду ўзининг иккинчи, жамоасининг учини голини мезбонлар дарвозасига йўллади!

"Реал" мусобақа жадвалида пешқадамлик қилишда давом этади.

Хетафе – Реал Мадрид 0:3 (0:0, 0:3)
Голлар: 0:1 – 63 Роналду, 0:2 – 67 Бэйл, 0:3 – 79 Роналду.
Хетафе – Кодина, Руано, Перейра, Веласкес, Лаго, Родригес, Кастро, Леон (Йода, 74), Саммир (Фелип, 83), Сарабия (Инестроса, 56), Васкес.
Реал Мадрид – Касильяс, Карвахаль, Варан, Рамос, Марсело (Начо, 82), Иско (Хедира, 78), Кроос (Ильярраменди, 82), Хамес, Бэйл, Бензема, Роналду.
Огоҳлантиришлар: Веласкес (31), Кроос (34), Хамес (61), Лаго (64).