"Барселона" клуби Испания чемпионатининг 19-турида "Депортиво" меҳмони бўлди ва рақибга ҳеч қандай имконият қолдирмади.

"Риасор" стадионига йиғилган мухлислар Лионель  Месси ижросида 3та голга гувоҳ бўлишди. Ўйиннинг 10-дақиқасида Лионель бош билан дарвозани ишғол қилган бўлса, унинг кейинги голларида чап оёқ ёрдамга келди. Учрашув тугашига 7 дақиқа қолганида "Депортиво" ҳимоячилар ўз дарвозаларини ишғол қилиб қўйишди.

Бугун Луис Суарес ҳам камида 3та гол уришлари мумкин эди, аммо у барча имкониятларни кўкка совурди.

"Барселона"нинг очколари сони 44тага, Мессининг голлари эса 19тага етди. Клуб "Реал"ни, ҳужумчи Роналдуни таъқиб этишда давом этишади.

Депортиво – Барселона 0:4 (0:2, 0:2)
Голлар: 0:1 – 10 Месси, 0:2 – 33 Месси, 0:3 – 62 Месси, 0:4 – 83, автогол Сидней.
Депортиво – Фабрисио, Сидней, Луизинью, Лопо, Хуанфран, Медуньянин (Перес, 79), Домингес, Кавалейру (Родригес, 46), Бергантиньос, Куэнка, Риера (Точе, 63).
Барселона – Браво, Дани Алвес, Бускетс (Бартра, 66), Пике, Альба, Иньеста (Рафинья, 66), Маскерано, Ракитич, Неймар (Педро, 70), Месси, Суарес.
Огоҳлантиришлар: Риера (59), Точе (64), Бартра (68), Дани Алвес (78).