Бугун машғулотлар ўтказиб бўлгач, Жанубий Корея терма жамоаси марказий ҳимоячиси Ким Йонг Гвон («Гвангжоу», Хитой) кореялик журналистларга чорак финал олди фикрларини билдириб ўтди.

«Ўзбекистон терма жамоасидаги бир қанча футболчилар техник жиҳатдан юқори даражали футболчилар ҳисобланишади. Бирга бир курашларда имкониятни бой бермаслик лозим. Ўзбекистон билан ўйиндан хавотирга тушаётганим йўқ. Чунки бизда тажрибали футболчилар йиғилган. Биз биринчи марта копток тепаётганимиз йўқ. Биз майдонда нима қилишни яхши биламиз. Австралия билан ўйиндагидан ҳам кўпроқ диққатли бўлишимиз керак. Бош мураббийимизнинг кўрсатмаларига қатъий амал қилган ҳолда гуруҳ босқичида бирорта ҳам тўп ўтказмадик. Бутун турнирни дарвозадан тўп ўтказмай якунлаш қийин. Лекин биз буни уддалай оламиз» - дейди Ким Йонг Гвон.

Отабек Йўлдошев
Жанубий Корея, Сеул