Корейс ОАВларининг маълум қилишича, бугун Жанубий Корея терма жамоаси фан-клуби Ўзбекистонга қарши чорак финал ўйини учун ўз шиорларини эълон қилган.

Демак, 22 январь куни корейс футбол ишқибозлари стадионда «Ўзбекистон ботқоқликка, биз эса ярим финалга!», деб ёзилган плакатни тутган ҳолда ўз жамоаларини қўллаб-қувватлашади.

Эслатиб ўтамиз, гуруҳ босқичи ўйинларида Жанубий Корея фан-клуби «Уммондан 50 миллионлик ишқибозларинг овози кучлироқ!» (Уммонга қарши ўйинда), «Кутиб ўтирмай Кувайтни йиқит!» (Кувайтга қарши ўйинда), «Кенгурулар устида бўридек увуллаймиз!» (Австралияга қарши ўйинда) каби шиорлар ёзилган плакатлар тутишган эди.

Отабек Йўлдошев
Жанубий Корея, Сеул