Айни пайтда Швециянинг “Стремсгодсет” жамоаси аъзоси ҳисобланадиган, лекин яқин кунларда янги жамоа аъзоси бўлиши кутилаётган 16 ёшли Мартин Эдегор “Реал” жамоасига ўтишга яқин турибди.

Мадридликлар ушбу вундеркинд учун йилига 2,25 млн евро тўлашлари мумкинлиги ҳақида VG нашри хабар бермоқда. Бу эса, шу ёшдаги футболчи учун бериладиган энг кўп миқдордаги маошга айланади.

Хабарда айтилишича, Эдегор билан 3,5 йиллик шартнома тузиш режалаштирилган.

“Стремсгодсет” жамоаси учун эса, 3,5 млн евро тўланиши, футболчи ўзини яхши томондан кўрсата олса ва жамоада ўйнаб кета олса, яна 3,3 млн евро бонус қўшиб берилиши маълум қилинган.

Эслатиб ўтамиз, Норвегия терма жамоаси сафида 15 ёшу 10 ойни тўлдирганида майдонга тушиб, дунё тарихида “терма жамоа сафида ўйнаган энг ёш футболчи”га айланган ва машҳур бўлиб кетган Мартинга “Арсенал”, “МЮ”, “Манчестер Сити”, “Ливерпуль”, “Барселона” ва “Бавария” каби жамоалар қизиқиш билдирган. Кейин у навбатма-навбат ушбу жамоаларнинг базасига ташриф буюриб, шароитлар билан танишган эди. Ўзига жамоа танлаш учун, Европа бўйлаб айланиб чиққан футболчи якуний қарорини январь ойида маълум қилишини айтиб ўтганди.