Осиё Кубоги мусобақасини ёритиш мақсадида Австралияда фаолият юритаётган бир қатор хорижий ОАВ ходимлари Жанубий Кореяга қарши ўйин олдидан Ўзбекистон терма жамоаси аъзоларидан интервью олишга ҳаракат қилишмоқда.
Бу борада тил билан боғлиқ баъзи муаммолар юзага келиши табиий. Сингапурнинг SNTV телекомпанияси ходими Стив Мур бундай вазиятда ўзгача чора топди.
У хорижий тилларни яхши биладиган термамиз аъзоларидан ўз жамоадошидан интервью олиб беришни илтимос қилган. Ярим ҳимоячимиз Азиз Ҳайдаров тил билмайдиган жамоадоши Баҳодир Насимовдан SNTV телеканали учун интервью олишда ёрдам берган.
“Ўзбекчани билмайсизми? Унда ўзбек футболчиларининг ўзидан сиз учун жамоадошидан интервью олиб беришни сўранг”, – деб ёзади Стив Мур ўзининг твиттердаги саҳифасида.
