Украинанинг иккинчи лигасида қатнашувчи Донецкнинг "Олимпик" ва "Энергия" ўртасидаги учрашув вақтида қизиқ воқеа рўй берди.
Хотира турнири мусобақасида "Энергия" футболчиси кийими ичига телефон яширган ҳолда майдонга тушган ва вақти вақти билан кимгадир қўнғироқ қилиб, суҳбатлашган. Бу нарса "Олимпик" раҳбарлари ва футболчиларининг норозилигига сабаб бўлган. Ҳакамлар буни эътиборсиз қолдирган.
"Мен ҳатто бу 15-рақамдаги ўйинчининг исмини ҳам билмайман, - дейди ўйиндан сўнг "Энергия" бош мураббийи Юрий Окул. - У биздан кўрикдан ўтмоқда. У телефонда сўзлашиб, қандайдир кўрсатмалар берган экан, демак, у тажрибали ўйинчи. Бизга ҳар куни 7-8 ўйинчи кўрикдан ўтишга келмоқда, улар билан танишишга ҳам улгурмаяпмиз. Ҳозиргача 40дан ортиқ футболчиларни кўриб чиқдик. Шунинг учун бундай воқеалар учраб туради".
Учрашувда "Энергия" 1:2 ҳисобида мағлубиятга учради.
