Титрама, ортингга сира чекинма,
"Корейс биздан кучли", дея ўкинма.
Корейс “жумонг” бўлса, бизлар темурий,
Сен мағлуб бўлишинг асло мумкинмас.

Темур бобом тиғи титратган замин,
Навоий ҳайратга солган у даминг.
Қалам ва қилич-ла дунё тебратган
Сен тенгсиз кучлисан, йўқ зарра каминг!

Нигоҳинг чақнатсин гулдурос чақмоқ,
Рақибинг сафларин айлагин тарқоқ.
Кўп вайсаб мақтанган ўша корейсни
Осмондан туширгин, бир уриб тўқмоқ.

Сен бизнинг севгимиз, оримиз, жонсан,
Ҳар жойда ўзбексан, ўзингга хонсан.
Мағлублик ярашмас биздек бекларга,
Сен ёлғиз эмассан - Ўзбекистонсан!

Отабек Йўлдошев