Норвегиялик ярим ҳимоячи Мартин Эдегор «Реал» билан шартнома имзолаганидан кейин ўз таассуротлари билан ўртоқлашди.

«Мени жуда яхши қабул қилишди. Ўзимни уйдагидек ҳис қиляпман. «Реал»га ўтишим – ҳам спортчилик фаолиятимда, ҳам шахс сифатида ўсишим учун яхши вариант. Бу клубнинг имкониятлари юқори.

Мен футболчилар билан учрашдим. Улар ажойиб. Нималар ҳақида гаплашганимиз сир бўла қолсин. Мақсадим — имкон қадар ўсишга эришиш. Бош жамоа сафида бўламанми ёки иккинчи жамоадами, бу катта аҳамиятга эга эмас.

Анчелотти мени асосий жамоага жалб қилса, бундан ўзимни бахтли ҳис қиламан. Ўз замонининг энг яхши футболчиси бўлган мураббий "Реал"ни бошқараётгани ажойиб. Мен ортиқча босимни ҳис қилмаяпман, аммо Норвегияга нисбатан бу ерда ўйнаш қийинроқ бўлади», – дейди Эдегор.