"Бавария" яримҳимоячиси Франк Риберининг фикрича, Лионель Месси ва Криштиану Роналду "Олтин тўп"ларга сиёсий қарашлар туфайли эга бўлишмоқда.
"Мен жуда хафа бўлган эдим, аммо бу ҳар йили такрорланади. Бу совринни ютиб олишим учун яна нима қилишим керак, билмадим. Жаҳон чемпионатида ғолиб чиқиш ҳам камлик қилмоқда. 2006йилда Каннаваро жағон чемпиони бўлиб, бу совринга эга бўлган эди.
Охирги 2-3 йилда Нойер жаҳоннинг энг яхши дарвозабони бўлди, "Бавария" билан совринлар ютди. Бразилияда у жаҳон чемпиони бўлди ва энг яхши дарвозабон бўлди. Кўриб турганингиздек, бу ҳам етмади. Тушунмаяпман.
Агар яна "Бавария" ўйинчиси номзод бўлса, у ерга боришдан олдин ўйлаб кўриш керак. Фақат суратга тушиш учунми? Йўқ.
Менимча, бунингҳаммаси сиёсат ва бу нотўғри. Бирор ўйинчи Роналду ва Месси билан номзодлар учлигида бўлса, ҳеч нимага умид қилмасин", - дейди Рибери.