Испания терма жамоаси бош мураббийи Висенте дель Боске ҳужумчи Фернандо Торреснинг "Атлетико"га қайтганидан мамнун эканини билдирди.
"Торреснинг "Атлетико"га қайтиши унинг ўзи учун ҳам, терма жамоа учун ҳам фойдали. Менинг фикримча, у ҳозир яхши формада ва унда терма жамоада ўйнаш имконияти мавжуд. Фернандо "Реал"га қарши ўйинда жуда яхши таассурот қолдирди", - дея championat.com Marca нашрига таяниб дель Боске фикрларини келтиради.
Эслатиб ўтамиз, Торреснинг трансфер ҳуқуқи "Милан"га тегишли, футболчи "Атлетико" сафида ижарада тўп сурмоқда. Торрес "Реал" билан ўтган Испания Кубоги 1/8 финал жавоб учрашувида дублга эришганди.
