"Ювентус" яримҳимоячиси Поль Погба жамоадоши Фернандо Льорентедан испан тилини ўрганаётганлигини маълум қилди.
Аввалроқ, "Кекса синьора" бош директори Жузеппе Маротта "Реал" устози Карло Анчелотти унда Погбани суриштирганини маълум қилган эди.
"Турин - жуда осоишта шаҳар, унда ўзимни яхши ҳис қиламан. Мен бу ерда хотиржам бўлишим ва футбол ҳақида ўйлашим мумкин. Миланда ҳам шуғулланишга арзийдиган нарсалар бор - бутиклар, модалар намоиши."
Мен "Тирик мурдалар" сериалини томоша қилишни хуш кўраман. Шунингдек, Льорентедан испан тилини ўрганяпман. Баъзан бутун жамоа бирга кечки овқатга борамиз. Мен жамоадошларим билан вақт ўтказишни хуш кўраман. Бирга бўлиш - бу жуда яхши", - дейди Погба.