Тошкентнинг “Бунёдкор” жамоаси ўқув-машғулот йиғинини ўтказиш учун Туркияга йўл олди.

“Қалдирғочлар” Туркиянинг Анталия ўлкасида ташкил этиладиган икки ҳафталик йиғинда иштирок этадилар. У ерда тўртта назорат учрашуви ўтказилиши режалаштирилган.

Сергей Лушан ушбу йиғинга қуйидаги футболчиларни олиб кетди.

Дарвозабонлар - Акбар Тўраев, Павел Бугало, Муроджон Зухуров
Ҳимоячилар - Акмал Шораҳмедов, Хайрулла Каримов, Иван Милошевич, Артём Филипосян, Обид Жўрабоев, Дилёрбек Ирматов, Анвар Ғофуров
Ярим ҳимоячилар - Жавлон Иброхимов, Шакер Зуаги, Достон Абдураҳмонов, Дилшод Жўраев, Самир Бекрич, Минори Сато
Ҳужумчилар - Сардор Рашидов, Темур Аюпов, Мирзохид Ғофуров, Анвар Бердиев, Отабек Зокиров, Воҳид Шодиев

Айни пайтда Ўзбекистон ёшлар терма жамоаси билан Туркияда ташкил этилган йиғинда иштирок этаётган 9 нафар “Бунёдкор”чи 29 январь куни “қалдирғочлар” ихтиёрига қўшиладилар. Ярим ҳимоячи Сардор Собирхўжаев даволанаётгани боис Тошкентда қолдирилди.

“Бунёдкор”нинг Анталиядаги назорат учрашувлари жадвали:
29 январь. “Бунёдкор” - “Вииторул” (Руминия)
31 январь. “Бунёдкор” - CMS (Руминия)
2 февраль. “Бунёдкор” - “Заря” (Украина)
4 февраль. “Бунёдкор” - “Атирау” (Қозоғистон)