«Фиорентина» бош мураббийи Винченсо Монтелланинг айтишича, ярим ҳимоячи Хуан Куадрадо, агар 35 млн еврони тўлашни хоҳловчи клуб топилса, у ўз жамоасини тарк этиши мумкин экан.
Аввалроқ итальян ОАВ «Челси» Куадрадони трансферига жиддий қизиқиш билдираётганлиги ҳақида хабар беришганди.
«Куадрадо билан боғлиқ вазият жуда оддий: унинг шартномасида трансфер суммаси кўрсатиб қўйилган. Агар исталган жамоа, эҳтимол "Челси”, ушбу суммани тўлай олса, у жамоани тарк этиши мумкин. Жамоанинг ўзи эса Куадрадони сотишга шошмайди», — дейди Монтелла «Спортсмоле» нашрига берган интервьюсида.