"Барселона" яримҳимоячиси Серхио Бускетс Испания кубогида "Атлетико"га қарши учрашувдан сўнг (3:2) фикрларини билдирди.
Учрашув етарли даражада асабий кечди ва "Атлетико"дан икки футболчи четлатилди. Мезбонлар иккинчи бўлимда яримҳимоячи Габисиз майдонга чиқишди. Футболчи стадион биноси ичкарисидаги жанжал сабабли четлатилди. Ўйин охирида эса, Диего Симеоне шогирдлари 9 киши бўлиб қолдилар - Марио Суарес иккинчи сариқ карточкани олди.
"Биринчи бўлим мухлислар учун жуда қизиқ кечди. Ҳакам иккала жамоа фойдасига хатолар қилди. Аммо ўйлайманки, ярим финалга кучли жамоа йўл олди. Ғалаба қозона олиш ва мағлубиятга учрай билиш керак", - дейди Бускетс.