Австралияда бўлиб ўтаётган Осиё кубоги мусобақаси ҳам ўз якунига етиб бормоқда. 30 январь куни 3-ўрин учун бўладиган учрашувда Ироқ ва БАА терма жамоалари «бронза» медаллар учун ўзаро куч синашадилар. Осиё кубоги мусобақаси тарихида 3-ўрин учун баҳсда илк бора Форс кўрфази давлатлари тўқнаш келишмоқда. Бу ўйинни – «Форс кўрфази» дербиси дея аташимиз ҳам мумкин.

Осиё кубоги мусобақаларида биз мухлислар учун фақат финалда ўйнаган терма жамолар номи ёдимизда қоладида, аммо 3-ўрин учун курашаётган терма жамоалар назаримиздан четда қолаётгандек, гўё. Шу туфайли Осиё кубоги мусобақаси тарихида қайси жамоалар финалда ўйнагани-ю, кимлар чемпион бўлганлигини бир четга суриб қуямизда, фақат 3-ўрин учун баҳс юритган терма жамоалар ҳақида қисқача маълумот бериб ўтаман.

1956 (Гонконг), 1960 (Ж.Корея), 1964 (Исроил) ва 1968 (Эрон) йиллардаги Осиё кубоги мусобақаси финал босқичидаги иштирокчилар сони кам бўлганлиги сабабли жамоалар фақат битта гуруҳда даврали тизимда ўзаро ўйин ўтказишган ва 3-ўрин учун алоҳида учрашув ўтказилмаган.

1972 йил. Таиланд. 3-ўрин учун: Таиланд – КХМЕР (ҳозирги Камбожа) 0-0, (п.с. 5-3).
1976 йил. Эрон. 3-ўрин учун: Хитой – Ироқ 1-0.
1980 йил. Қувайт. 3-ўрин учун: Эрон – Шимолий Корея 3-0.
1984 йил. Сингапур. 3-ўрин учун: Қувайт – Эрон 1-1. (п.с. 4-3).
1988 йил. Қатар. 3-ўрин учун: Эрон – Хитой 0-0. (п.с. 3-0).
1992 йил. Япония. 3-ўрин учун: Хитой – БАА 1-1. (п.с. 4-3).
1996 йил. БАА. 3-ўрин учун: Эрон – Қувайт 2-1.
2000 йил. Ливан. 3-ўрин учун: Ж.Корея – Хитой 1-0.
2004 йил. Хитой. 3-ўрин учун: Эрон – Баҳрайн 4-2.
2007 йил. И/М/В/Т. 3-ўрин учун: Ж.Корея – Япония 0-0. (п.с. 6-5).
2011 йил. Қатар. 3-ўрин учун: Ж.Корея – Ўзбекистон 3-2.
2015 йил. Австралия. 3-ўрин учун: Ироқ – БАА ???

Абдумажид Қодиров тайёрлади.