"Бавария" яримҳимоячиси Хаби Алонсо бундеслиганинг иккинчи даврасида ўзининг барча ўйинларда ҳам иштирок эта олмаслигига кўзи етяпти.
"Қишда давом этган узоқ танаффус менга жуда ёрдам берди, аммо мен "Бавария"да кўпроқ ўйин ўтказиб, жамоага фойдам тегишини истар эдим. Бошқа клубларда, миллий чемпионатларда ҳам танаффус қилган эдим, аммо бу даражада узоқ бўлмаган эди. Испанияда бир ҳафта, Англияда эса, балки бир кун.
Бу борада Германия чемпионати бошқалардан ажралиб туради, бу мен учун яхши. Агар Гвардиола у ёки бу ўйинда мендан фойдаланишни истамаса, мен унинг қарорини ҳурмат қилишим керак ва исталган вақтда унга ёрдам беришга тайёр туришим керак", - дейди Алонсо.
Хаби Алонсо бу мавсумда бундеслиганинг 15 учрашувида иштирок этди ва бир гол ҳамда икки голли узатма оширди.
