Австралия ва Жанубий Корея терма жамоалари ўртасидаги финал ўйинини ФИФА рефериси эронлик Алиризо Фағоний бошқариб боришидан хабарингиз бўлса керак, албатта. Шу тариқа, Фағоний Осиё кубоги-2015да бешта ўйинни бошқарган ягона ҳакамга айланди.
Алиризо Фағоний 2008 йилдан бошлаб ФИФА ҳакамига айланган. У ўзининг фаолияти давомида халқаро ўйинларда 69 учрашувни бошқариб, ўйинчиларга 312та сариқ ва 20та қизил карточка кўрсатган ва 27 марта ўн бир метрлик жарима зарбаси белгилаган, яъни пенальти. Бразилияда бўлиб ЖЧда у захира ҳаками сифатида иштирок этди.
Осиё кубоги-2015да эса тўртта ўйинни бошқариб, ўйинчиларга 18та сариқ карточка кўрсатган ва 2 марта пенальти белгилаган.
Фағонийнинг гуруҳ босқичида ва чорак финалда футболчиларга кўрсатган карточкалари сони ҳақида
|
№ |
Ҳакам |
Сана |
Гуруҳда босқичида |
Карточкалар |
||
|
сариқ |
қизил |
|||||
|
1. |
Алиризо Фағоний (Эрон, 1978) |
10.01.2015 |
С.Арабистони |
Хитой |
6 |
0 |
|
13.01.2015 |
Қувайт |
Ж.Корея |
4 |
0 |
||
|
16.01.2015 |
Ироқ |
Япония |
4 |
0 |
||
|
|
Чорак финал |
|
|
|||
|
23.01.2015 |
Япония |
БАА |
4 |
0 |
||
Алиризо Фағоний 2009 йил ОФК Президенти Кубоги финали, 2010 йил ОФК Чақирув Кубоги финали ва 2010 йил ўсмирлар (U-16) ўртасидаги Осиё чемпионати финалини ҳам бошқарган. 2014 йилги ОЧЛ доирасида “Вестерн Сидней Уондерерс” ва “Ал-Ҳилол” жамоалари ўртасидаги финалнинг дастлабки ўйини ҳам унга топширилган. 2013 йилда эса клублар ўртасидаги ЖЧда 2та ўйинни бошқарган.
Айниқса, Тошкентда бўлиб ўтган ўсмирлар (U16) ўртасидаги Осиё чемпионатининг финалида уни ўзбекистонликлар яхши эслаб қолишган. КХДРга қарши ўйиннинг биринчи бўлимида у Сардор Раҳмоновни майдонда четлатиб, ўсмирларимизни қийин аҳволга тушириб қўйганди. Эътиборли томони, эронлик ҳакам ушбу хатодан тўғри хулоса чиқарди ва кейинчалик унинг савияси ўсиб борди. Мана энди у Осиё кубоги финалини бошқариш бахтига муяссар бўлмоқда.
Абдумажид Қодиров тайёрлади.
