«Атлетико» ва «Барселона» жамоалари ўртасидаги Испания кубоги доирасида чорак финал босқичининг жавоб ўйини танаффус пайтида футболчилар орасида юзага келган можаро тафсилотлари аниқ бўлди.
Sport.es тарқатган маълумотга кўра, "Атлетико" футболчилари трибуна остида Неймарни туртишган, ҳақорат қилишган. Дастлаб "матрасчилар" сардори Габи ҳужумчига ёпишган ва кейинчалик Диего Симеоне ҳам вазиятга аралашган.
Неймар эса ҳақоратга нисбатан табассум билан жавоб берган. Бу ҳолат мезбон жамоа вакилларини янада ғазаблантирган.
«Атлетико» футболчилари бразилиялик футболчини қуршаб олишган, аммо Жерар Пике Неймарни «Барселона»га кийиниш хонасига олиб кириб кетган.
