«Марка» радиостансиянинг маълумотларига қараганда, Серхио Рамос шартномани янгилаш борасидаги "Реал Мадрид"нинг иккинчи таклифини ҳам рад этган. Сабаб сифатида ўша-ўша омил кўрсатилган. Рамос бошқа юлдузлар ва бошқа жамоадаги кучли ҳимоячиларга қараганда кам маош олади.
28 ёшли вице-сардорга таклиф этилган суммадаги янги таклиф ёқмаган. Аммо кўпчилик мухлислар Серхионинг жамоадан кетишига мутлақо ишонишмаяпти ва фаолиятини Мадридда тугатади, деб ҳисоблашади.
Эслатиб ўтамиз, Рамоснинг амалдаги шартномаси 2017 йилнинг ёзига қадар давом этади.