Таиландда ўтаётган Қирол кубогининг 1-тури доирасида Ўзбекистон олимпия терма жамоаси Жанубий Кореяга имкониятни бой берди. Ушбу ўйинда ҳимоячи Тоҳир Шамсиддинов рақиб футболчисининг юзига 3 марта мушт туширганди.
Мусобақа ташкилий қўмитаси ушбу вазиятни ўрганиб чиқиб, ўзбекистонлик ҳимоячини мусобақа охирига қадар дисквалификация қилди. Шунингдек, Кореяга қарши ўйинда қизил карточка олган Жалолиддин Машарипов жамоамизнинг навбатдаги ўйинини ўтказиб юборади.
Шуҳрат Мақсудов шогирдлари кейинги баҳсни 4 февраль куни Таиланд миллий терма жамоасига қарши ўтказади. Сўнгги ўйин эса 7 февраль куни бўлиб ўтади. Унда жамоамиз Гондурас ёшлар (U20) терма жамоасига қарши майдонга чиқади.
Дастлабки турда гондурасликларни 3:1 ҳисобида мағлуб этган мезбонлар дастлабки турдан кейин пешқадам бўлиб туришибди.
