Ўзбекистон Олий Лигаси баҳсларида фаолият кўрсатадиган ўзбекистонлик ҳакамлар амалий машғулотларда иштирок этиш учун Туркияга жўнаб кетишди.

Олий Лига-2015 баҳслари стартигача ўзбекистонлик рефери ҳамда лайнсменлар жисмоний ва назарий имтиҳонлардан ўтишди. Эндиликда, ушбу имтиҳонлардан ўтган ҳакамлар Туркиядаги ўқув йиғини давомида амалий имтиҳонлардан ўтадилар. Мазкур йиғинда ўзбекистонлик реферилар бир қатор ўртоқлик турнирлари ва назорат учрашувларида ҳакамлик қиладилар ва шу тариқа амалий имтиҳонлардан ўтишади.

Маълумот ўрнида, 3-11 февраль кунлари Туркияда бўлиб ўтадиган йиғинга Ўзбекистон Олий Лигаси баҳсларида ишлайдиган 10 нафар рефери ҳамда 17 нафар рефери ёрдамчилари жўнаб кетишди. Мазкур йиғинга ЎФФ ҳакам ва назоратчилар департаменти бошлиғи Ноил Лутфулин бошчилик қилади.

Маълумот учун, ФИФА рефериси Ильгиз Танташев ва унинг бригадаси (Андрей Цапенко ва Руслан Серазетдинов) ОФК кубоги баҳсларига тайинлангани боис мазкур йиғинни ўтказиб юборадилар. Шунингдек, ФИФА рефериси Валентин Коваленко мазкур йиғинга кейинроқ бориб қўшилади.

Туркиядаги йиғинда қатнашадиган ўзбекистонлик рефери ва лайнсменлар рўйхати:

Реферилар:
1. Равшан Эрматов
2. Владислав Цейтлин
3. Олим Толибжонов
4. Ҳасан Рўзиев
5. Темур Тўхтасинов
6. Рустам Бобомуродов
7. Бахтиёр Намозов
8. Азиз Асимов
9. Дмитрий Пислегин
10. Мурод Муҳамедов

Лайнсменлар:
1. Абдуҳамидилло Расулов
2. Жаҳонгир Саидов
3. Маъмур Саидқосимов
4. Владлен Лушин
5. Ҳусниддин Шодмонов
6. Алишер Усмонов
7. Тимур Гайнулин
8. Руслан Самандаров
9. Обид Жумаев
10. Равиль Шаяхметов
11. Бобур Қодиров
12. Абдураҳмон Қўлдошев
13. Олимжон Абдувосилов
14. Тимур Ганиев
15. Санжар Шоюсупов
16. Акбар Пўлатов
17. Расулжон Фозилов