Москванинг “Локомотив” клубида тўп сураётган ҳамюртимиз Виталий Денисов Осиё Кубоги-2015ни унутиб, ўз жамоаси натижаларига диққатини қаратмоқчи эканлигини таъкидлаб ўтди. Ўзбекистон термаси Австралияда ўтказилган мусобақанинг чорак финалида Жанубий Корея термасига қўшимча таймларда имкониятни бой берганди.
“Ҳозир Осиё Кубогида бўлганларни унутишга ва олдинга интилишга ҳаракат қиляпман. Австралияда яхши хотиралар ҳам, ёмони ҳам бўлди. Аммо ҳар доим кечаги кун билан яшаб бўлмайди, яхши нарсалар ҳақида ўйлашга ва мавсум бошлангунча кўрадиган тайёргарлигим ҳақида ўйлашга ҳаракат қиляпман”, — деб Денисовнинг сўзларидан келтиради championat.com.
