“Насаф”нинг ОЧЛдаги рақиби БААнинг “Ал Аҳли” клуби ўз сафига бразилиялик ярим ҳимоячи Эвертон Рибейрони қўшиб олганини хабар қилгандик. 25 ёшли футболчи фаолиятини давом эттириши учун қандай вариантлар бўлганини гапириб берди.

“Ҳа, музокаралар олиб борилди, “Манчестер Юнайтед”, “Монако” ва “Милан”дан таклифлар бўлди. Лекин улардан ҳеч бири “Крузейро”ни қониқтирмади, шунинг учун улар мени қўйиб юборишмади”, — деб Рибейронинг сўзларидан келтиради football.ua.

“Шу ерга, БААга келишга қарор қилдим ва бундан жуда хурсандман. Барча томонларни қониқтирган ягона таклифни айнан “Ал Аҳли” билдирди.

Мен Дунга билан гаплашдим, у “муаммо йўқ” деди. “Ал Аҳли” бутун дунёга танилган”, — деди футболчи.

Бразилиялик футболчини “Крузейро”дан сотиб олиш “Ал Аҳли”га 9 миллион еврога тушди.