Олдин хабар берганимиздек, Тошкентнинг “Бунёдкор” жамоаси кеча Анталиядаги йиғин доирасида иккита назорат учрашувини ўтказди. Ўйинлар Польшанинг "Легионовиа" ва Хитойнинг "Чанчун Ятаи" клубига қарши ўтди.

Учрашувнинг 36-дақиқасида "қалдирғочлар" ҳужумчиси Темур Аюпов ҳисобни очди. 90-дақиқада польшаликлар жавоб тўпини киритишди - 1:1. 

"Бунёдкор" - "Легионовиа" (Польша) 1:1
"Бунёдкор"нинг голи: Темур Аюпов 36
"Бунёдкор": Муроджон Зуҳуров, Хайрулла Каримов, Анвар Ғофуров, Обид Жўрабоев, Дилёрбек Эрматов, Дилшод Жўраев, Миржамол Қосимов, Отабек Шукуров, Забиҳилло Ўринбоев, Темур Аюпов, Элдор Шомуродов. 
Захира: Акбар Тўраев, Отабек Зокиров. 

Иккинчи баҳсда эса Анзур Исмоилов тўп тепаётган клубга қарши учрашувнинг 55-дақиқасида Мирзоҳид Ғофуров томонидан урилган гол "Бунёдкор"га ғалаба келтирди. Исмоилов майдонда тўлиқ ҳаракат қилди. Шу тариқа, "Бунёдкор" Анталия йиғини доирасида режалаштирилган барча назорат учрашувларини ўтказиб бўлди. Жамоа 7 февраль куни тунда Анталия-Истанбул-Тошкент йўналиши бўйича парвоз қилиб юртимизга қайтиб келади. 

Бу ҳақда "қалдирғочлар"нинг твиттердаги расмий саҳифаси хабар бериб ўтди.

"Бунёдкор" - "Чанчун Ятаи" (Хитой) 1:0
Гол: Мирзоҳид Ғофуров 55
"Бунёдкор": Акбар Тўраев, Иван Милошевич, Артём Филипосян, Акмал Шораҳмедов, Мирзоҳид Ғофуров, Самир Бекрич, Сардор Рашидов, Жавлон Иброҳимов, Акром Комилов, Воҳид Шодиев. 
Захира: Муроджон Зуҳуров, Достон Ҳамдамов, Элдор Шомуродов, Обид Жўрабоев.