Ўзбекистон олимпия терма жамоаси билан битта саралаш гуруҳидан ўрин олган Сурия олимпия терма жамоаси тайёргарликка зўр берган.
Улар ўқув-машғулот йиғинида иштирок этиш учун Индонезиянинг Сурабая шаҳрига етиб келишди. Йиғин давомида Индонезия олимпия терма жамоаси билан 2та назорат ўйини ўтказилади. Шундан сўнг сурияликлар Сингапурга кўчиб ўтиб, ушбу мамлакат жамоаси билан 18 ва 21 февраль кунлари 2та ўртоқлик ўйинида майдонга тушишади.
Кейинчалик Сурия олимпиячилари Дамашққа қайтишади ва йиғинни давом эттиришади. Бангладешда бўлиб ўтадиган саралаш ўйинлари олдидан улар Кувайтда йиғиб ўтказиб, бир нечта назорат ўйинларини ўтказишади.
Бангладешда ўтадиган саралаш босқичида мезбонлардан ташқари Ўзбекистон, Сурия ва Ҳиндистон ўзаро баҳс олиб боришади.
