"Милан" ҳужумчиси Стефан Эл Шааравий жароҳатдан фориғ бўлаётгани ва жамоа бош мураббийи Филиппо Индзаги ҳақида фикр билдирди.
"Ҳозирча тўлиқ тикланганим йўқ. Аммо бу менга руҳан таъсир қилаётгани йўқ, аввал ҳам буни бошдан кечирганман. Шунчаки жароҳатимни даволаб, сафга қайтмоқчиман.
Клуб ҳозир қийин даврни бошдан кечирмоқда. Бир ой олдин чемпионлар лигаси учун йўлланмага давогар эдик, ҳозир лигадан тушиб кетиш зонасига яқинмиз. Биз устозимиз каби бор кучимизни ишга соляпмиз. "Милан"нинг барча ўйинчилари Индзагини қўллайдилар ва унга ишонадилар", - дейди Шааравий.
