Туркиянинг Анталия шаҳрида мавсумга тайёргарлик йиғини ўтказаётган “Насаф” жамоаси бугун навбатдаги назорат учрашувини ўтказади.
“Насаф” ПФК расмий твиттер саҳифасининг тарқатган хабарларига кўра, жамоа Анталиядаги йиғин доирасида олтинчи назорат учрашувини Арманистоннинг “Широқ” жамоаси билан ўтказади. Учрашув бошланиши бизнинг вақт билан 18:30га белгиланган.
Ушбу назорат учрашуви тафсилотлари билан кейинроқ сайтимиз орқали маълумот беришни режалаштирганмиз.
Эслатиб ўтамиз, “Насаф”нинг Туркиядаги йиғини 12 февраль куни ниҳоясига етади ва 13 февраль куни юртимизга қайтиб келишади.
