"Челси" ҳужумчиси Диего Коста рақибларига ҳеч қачон жиддий жароҳат етказмаганини маълум қилди.
"Агар ўйинларимни кўрган бўлсангиз, ҳеч кимга жиддий жароҳат етказмаганимга гувоҳ бўласиз. Баъзи бир реакция келтириб чиқарган бўлишим мумкин, аммо ундан ортиқ эмас. Агар менга қарши қандай ўйнашганларини кўрсангиз, вазият бутунлай бошқача. Мен майдонда бор кучи билан ўйнайдиган футболчилари сирасига кираман.
Ким мени яхши билса, нимани назарда тутаётганимни тушунади. Англияда оёғимга берилаётган зарбаларга кўникиб боряпман. Бу ерда ҳимоячилар ҳақиқатдан ҳам жисмонан кучли. Бунинг устига Англия ҳакамлари Испания ҳакамларига ўхшаб тез-тез фол қайд этишмайди. Бу ерда 90 дақиқа кучли бўлишинг керак. Баъзан менга шундай қўполлик қилишадики, Испанияда бунинг учун қизил карточка олган бўлар эдилар", - дейди Коста.