“Насаф”нинг ОЧЛдаги рақиби Эроннинг “Тракторсозий” клубига бугун янги бош мураббий келди. Бунгача жамоада бош мураббий бўлиб ишлаган Расул Хотибий қониқарсиз натижалар учун лавозимидан озод қилинган эди.
“Тракторсозий”да бундан буён португалиялик Тони Оливейра бошчилигидаги мутахассислар фаолият олиб боришади. Клуб раҳбарияти ана шу мутахассислар билан келишувга эришишган.
Бугун Теҳрондаги аэропортда клуб мутассадилари португалиялик Тони Оливейрани ва унга ҳамроҳ бошқа мураббийларни кутиб олишди.