Мамалакатимизда ҳадемай футбол мавсуми бошланади. Табиийки қўқонлик ишқибозлар чемпионат стартини сабрсизлик билан кутмоқда десак муболаға бўлмайди.
"Қўқон-1912" жамоаси бу йил яна кучлилар сафига қайтганлиги муносабати билан клуб бўлажак чемпионат ўйинларига ҳар томонлама пухта тайёргарлик кўрмокда.
Биласиз, қўқонликлар мухлислик борасида Республикада етакчи ўринларда туради. Шу муносабат билан клуб раҳбарияти мухлисларга қулайлик яратиш мақсадида, чипталар билан боғлиқ муаммони олдини олиш мақсадида "Қўқон-1912" жамоасининг 2015 йилги уй учрашувлари учун мавсумий чипталарни жорий этди.
Ушбу мавсумий чипталар Қўқон шаҳридаги “Марказий” ўйингоҳнинг пластмасса ўриндиқлар билан жиҳозланган марказий секторларига чиқарилди. Эндиликда 1та мавсумий чипта сотиб олган мухлисга "Қўқон-1912" футбол клубининг энг камида олий лига доирасидаги 15та ва Ўзбекистон кубоги доирасидаги битта ўйинига кириш ҳуқуқини беради. Шундай экан сиз ҳам ўзингиз учун стадиондан қулай бўлган жойни олдиндан "брон" қилишингиз мумкин. Мавсумий чипта нархи 160 000 сўм қилиб белгиланди. Ҳар бир мавсумий чиптага рақам белгиланиб, "Қўқон-1912" футбол клуби, Қўқон шаҳар солиқ идораси ҳамда Қўқон шаҳар ички ишлар бошқармасида рўйхатга олинади. Мавсумий чипталарни соҳталаштиришга уринган мухлислар қонунда белгиланган тартибда жазоланадилар.
Мавсум-2015 учун чипталарни сотиб олишни хоҳловчилар Қўқон шаҳар “Марказий” ўйингоҳи маъмуриятига мурожаат қилишлари мумкин бўлади. Шунингдек мавсумий чипталар учун корхона ва ташкилотлардан ҳам буюртмалар қабул қилинади.
