Бугун Жанубий Кореянинг «Улсан Хёндэ» клуби футболчиларнинг рақамлари ҳақидаги маълумотларни эълон қилди.

Унга кўра, ҳамюртимиз Сервер Жепаров бу мавсум «Улсан» сафида 10-рақамли футболкада тўп тепадиган бўлди.

Қайд этиш лозимки, «Улсан»да Сервердан ташқари яна 3 нафар легионер мавжуд бўлиб, ярим ҳимоячи Тарта Соарес (Бразилия) — 11, ярим ҳимоячи Масуда Чикаши (Япония) 6-рақамларда тўп сурса, болқонлик ҳужумчи Филип Касаутса ҳимоячиларга хос 3-рақамни танлаган.

Қайд этиш лозимки, кей-лига клублари олди-сотди ишларини якунлаш арафасида турибди. Шунингдек, корейс ОАВлари ҳамюртимиз Сервер Жепаровнинг «Улсан Хёндэ» сафига қўшилишини «Биг сигнинг» («улкан шартнома тузилиши») деб атамоқда ва мавсумнинг муваффақиятли трансферлари қаторида тилга олган.
Отабек Йўлдошев
Жанубий Корея, Сеул