"Реал"нинг спорт директори Эмилио Бутрагеньо "Депортиво"га қарши учрашувда (2:0) "Сантьяго Бернабеу" трибуналаридан эшитилган ҳушткабозликка хотиржам қараш кераклигини билдирди.
Мухлислар бу билан ўтган турда "Атлетико"га учралган мағлубиятни (0:4) эслатдилар.
"Ғалаба қозониш жуда муҳим эди. Биз яна икки-уч гол уришимиз мумкин эди, аммо ҳужумчиларимиздан омад юз ўгирди. Рақиб ҳам яхши ўйнади, аммо биз ғалабага лойиқ эдик. Мен кучли рақиб билан яхши ўйинга гувоҳ бўлдим.
Бизда ажойиб мухлислар бор. Уларнинг бизга кўрсатган энг яхши қўллаб-қувватлашлари бу уларнинг стадионларга келиши. Мухлислар талабчан, буни биламиз. Улар ғалабаларга ўрганиб қолишган ва сифатли ўйин кутадилар", - дейди Бутрагеньо.