Келаси ҳафта, 25 февраль чоршанба куни Қарши шаҳридаги “Марказий” стадионда ОЧЛ-2015 “D” гуруҳи 1-тур доирасидаги “Насаф” – “Тракторсозий” учрашуви бўлиб ўтади.
Аввалги хабарларимизда ушбу учрашувга чиқарилган чипталар тайёрлиги ва ўйинга икки кун қолганда сотувга чиқиши ҳақида ёзган эдик.
Футбол ишқибозларининг ушбу учрашувга бўлган қизиқиши юқори бўлганлиги учун айни кунларда чипта харид қилиш мақсадидаги “Насаф” маъмуриятига мурожаатлар кўпайиб кетган.
Ана шу талаблар эътиборга олиниб, учрашув чипталарининг сотуви эртароқ бошланадиган бўлди. Футбол ишқибозлари 21 февраль шанба куни соат 10:00дан бошлаб, “Марказий” стадионнинг битта чиптахонасидан чипталарни харид қилишлари мумкин. Чипталарнинг барча чиптахоналар орқали сотуви, 23 февраль душанба кунидан бошланади.
