"Барселона" бош мураббийи Луис Энрике жамоа ҳужумчиси Лионель Мессининг сўнгги шарҳларидан норози бўлмоқда.
Аввалроқ, Месси жамоа ўйинларидаги ўсиш "Реал Сосьедад"дан учралган мағлубиятдан сўнг бошланганини ва футболчилар ишга нисбатан бошқача ёндоша бошлаганларини айтиб ўтган эди.
"Мен бир ярим ойдан буён бизда ўтиш даври кечаётганини такрорлаб келяпман, ҳозир ҳамма нарса бирлашди, механизм ишга тушди. Ўз фикримни ўзгартирмоқчимасман. Бу бутун мавсум давом этадиган жараён.
Мессининг сўзлари? Мен муаммо туғдирмоқчи эмасман ва бу мунозарани чуқурлаштирмоқчи эмасман. У бошқача ўйлаётган экан - жуда яхши. Мен ўз фикримни айтяпман
Ҳозир мен "Малага" билан учрашув ҳақида ўйлаяпман. Агар сизни бошқа нарсалар қизиқтирса, бу сизнинг ишингиз", - дейди Энрике.
