Европа чемпионлар лигасининг нимчорак финал ўйинлари давом этади. “Барселона” сафарда “Манчестер Сити” меҳмони бўлди ва минимал фарқ билан ғалаба қозонди.
Каталонияликлар биринчи бўлимни жуда кучли ўтказди ва рақиб дарвозасини икки марта ишғол қилди. Ҳар иккала гол Луис Суарес ҳисобига ёзилди. Ўйиннинг 16-дақиқасида Месси ўнг қанотдан жарима майдончасига узатма берди. Компани тўп бош билан қайтарди, аммо Суарес тўпга дарҳол зарба бериб, дарвозани ишғол қилди. 30-дақиқада Месси чап қанотда очилган Альбага пас берди. Хордининг узатмасига Суарес оёқ қўйди ва тўп олис устунга тегиб, тўрга бориб тушди.
Иккинчи бўлимда “Манчестер Сити” ўзига келди ва яхши ўйнай бошлади. Ўйиннинг 69-дақиқасида жарима майдончаси чизиғи устида тўпни қабул қилган Давид Сильва тавани билан тўпни ортга ташлаб берди. Тўпга етиб келган Агуэро ҳимоячилардан қочиб кетди ва бирга бир вазиятда дарвозани ишғол қилди.
Иккинчи бўлимга қўшиб берилган 3-дақиқада Сабалетанинг қўполлига эвазига “Сити” дарвозаси томон пенальти белгиланди. Лионелнинг зарбаси Жо қайтарди, қайтган тўпга Месси бош билан зарба берди. Тўп дарвоза ёнидан ўтиб кетди.
Луис Энрике шогирдлари кучли рақиб устидан сафарда ғалаба қозонишди. “Манчестер Сити” кейинги босқичга чиқишни истаса, “Камп Ноу”да иккита тўп фарқи билан ғалаба қоозониши талаб қилинади. Бу эса осон иш эмас.
ЕЧЛ, Нимчорак финал, дастлабки ўйин
МАНЧЕСТЕР СИТИ – БАРСЕЛОНА 1:2 (0:2)
Голлар: 0:1 – 16 Суарес, 0:2 – 30 Суарес, 1:2 – 69 Агуэро.
Ноаниқ пенальти: Месси (90+4, дарвозабон)
Манчестер Сити – Харт, Сабалета, Демичелис, Компани, Клиши, Фернандо, Сильва (Санья, 78), Насри (Фернандиньо, 62), Милнер, Агуэро, Жеко (Бони, 68).
Барселона – тер Штеген, Дани Алвес (Адриано, 75), Бускетс, Пике, Альба, Иньеста, Маскерано, Ракитич (Матьё, 71), Неймар (Педро, 80), Месси, Суарес.
Огоҳлантиришлар: Ракитич (41), Дани Алвес (45), Клиши (59), Адриано (88), Фернандо (90).
Четлатиш: Клиши (74).
