"Барселона" ҳужумчиси Неймар ЕЧЛ 1/8 финалида "Манчестер Сити" клубига қарши учрашувдан сўнг (2:1) "шаҳарликлар" ишқибози билан жанжаллашиб қолди.
Учрашувнинг 80-дақиқасида бразилиялик 23 ёшли футболчи алмаштирилди ва у олдинги қаторда ўтирган ишқибозлар билан сўз жанги бўлиб ўтди, дея хабар беради Goal.com.
Урашувдан сўнг Неймар муносабатга ойдинлик киритиш учун Яҳё Туренинг футболкасини кийиб олган ва португалча гапирган ишқибоз олдига келди. Қисқа суҳбатдан сўнг ишқибоз футболчини "шўнғувчи" эканлигини ишора билан кўрсатди ва жанжалга стюард аралашди, сўнг Неймар жамоа билан туннельга кириб кетди.