Ўзбекистон U-20 терма жамоаси ўртоқлик ўйинида «Обод» клубини мағлуб этди

Айни кунларда Тошкентда навбатдаги йиғинини ўтказаётган Ўзбекистон U-20 ёшлар терма жамоаси кеча пойтахтнинг «Обод» клубига қарши ўртоқлик-назорат учрашувида майдонга тушди ва 2:1 ҳисобида ғалаба қозонди.

Равшан Ҳайдаров бош мураббийлигидаги Ўзбекистон U-20 ёшлар терма жамоасининг Тошкентдаги йиғини 28 февраль кунигача давом этади. Маълумот ўрнида, Равшан Ҳайдаров жамоаси «Обод»га қарши учрашувдан олдин Наманганнинг «Навбаҳор» клубига қарши ўртоқлик учрашувини ўтказган ва ушбу учрашувда 1:2 ҳисобида мағлуб бўлган эди.

Аввалроқ хабар берилганидек, U-20 ёшлар ўртасидаги Жаҳон чемпионатига тайёргарлик кўраётган Ўзбекистон U-20 ёшлар терма жамоаси 25-30 март кунлари Португалиянинг Коимбра шаҳрида йиғин ўтказади ва у ерда иккита ўртоқлик учрашувида майдонга тушади. Равшан Ҳайдаров бош мураббийлигидаги терма жамоа Коимбра шаҳрида 27 март куни ёшлар ўртасида амалдаги европа вице-чемпиони ҳисобланган Португалия ёшлар терма жамоасига қарши майдонга тушса, 29 март куни шу ёш тоифасида амалдаги жаҳон вице чемпиони - Уругвай ёшларига қарши баҳс олиб боради.

Эслатиб ўтамиз, U-20 ёшлар ўртасидаги Жаҳон чемпионати баҳслари 30 май куни Янги Зеландияда старт олади. Қуръага кўра, Ўзбекистон ёшлар терма жамоаси F гуруҳида Германия, Фиджи ҳамда Гондурас терма жамоаларига қарши баҳс олиб боради.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

16/02 21:00	Ал-Аҳли (СА)	-	Шабаб ал-Аҳли
16/02 21:00	Шаржа	-	Насаф
16/02 23:15	Ал-Ҳилол	-	Ал-Ваҳда
16/02 23:15	Аш-Шорта	-	Дуҳайл
17/02 00:45	Кальяри	-	Лечче
17/02 01:00	Жирона	-	Барселона

Ўзбекистон U-20 терма жамоаси ўртоқлик ўйинида «Обод» клубини мағлуб этди

ЭНГ КЎП ЎҚИЛГАН ЯНГИЛИКЛАР