Ўтган ёзда "Манчестер Юнайтед" бош мураббийи бўлиб тайинланган Луи ван Гал Коста-Рика терма жамоаси посбони Кейлор Навасни ўз жамоасида кўришни истаган, дея хабар беради Marca.
Голландиялик мутахассис Наваснинг жаҳон чемпионатидаги ўйинларида катта таассурот олган, аммо посбоннинг агенти билан боғлангач, унинг "Реал" билан келишиб қўйганини билган.
28 ёшли дарвозабон "Леванте"дан "Реал"га ўтгач, Испания чемпионатининг 2та , мамлакат кубогида 3та ва чемпионлар лигасида 2та учрашувларида иштирок этди ҳамда умумий ҳисобда 7 гол ўтказди.