Тошкентнинг “Бунёдкор” жамоаси 3 март куни Эроннинг “Персеполис” клубини қабул қилади.

“Қалдирғочлар” Эроннинг ушбу клуби билан биринчи бор тўқнаш келишаётгани йўқ. Бунгача Осиё Чемпионлар лигаси доирасида уч бор “Бунёдкор” ва “Персеполис” жамоалари ўзаро куч синашишган.

Даставвал 2009 йили мусобақанинг бир учрашувдан иборат нимчорак финалида “Бунёдкор” рақиб майдонидан Ривалдо томонидан киритилган ягона гол эвазига ғалаба билан қайтган эди. 2011 йилда эса бу икки жамоа гуруҳ босқичида тўқнаш келишган. Тошкентдаги баҳсда ҳисоб очилмаган бўлса, “Бунёдкор” меҳмонда рақибини 3:1 ҳисобида мағлубиятга учратган эди. Жамоамиз голларига Анвар Ражабов, Хайрулла Каримов ва Виктор Карпенко муаллифлик қилишган.

Осиё Чемпионлар лигаси-2009
27.05.2009. 1/8 финал
Теҳрон. “Озоди” стадиони. 95225 томошабин
“ПЕРСЕПОЛИС” – “БУНЁДКОР” 0:1
Гол: Ривалдо 41 пенальти

Осиё Чемпионлар лигаси-2011
05.04.2011. Гуруҳ босқичи
Тошкент. “Жар” стадиони. 7000 томошабин
“БУНЁДКОР” – “ПЕРСЕПОЛИС” 0:0

Осиё Чемпионлар лигаси-2011
20.04.2011. Гуруҳ босқичи
Теҳрон. “Озоди” стадиони. 31765 томошабин
“ПЕРСЕПОЛИС” – “БУНЁДКОР” 1:3
Голлар: Анвар Ражабов 60 (0:1), Хайрулла Каримов 72 пенальти (0:2), Шпежтим Арифи 87 (1:2), Виктор Карпенко 90 (1:3)

Қуйидаги ҳаволаларда “Бунёдкор” ва “Персеполис” жамоаларининг ўзаро ўйинларида киритилган голларни томоша қилишингиз мумкин.