Тошкентда 1996 йил ва ундан кейин туғилган ёшлар ўртасида Марказий Осиё давлатлари доирасидаги енгил атлетика бўйича халқаро мусобақалар якунига етди.
Республика олимпия захиралари коллежида енгил атлетика бўйича ўн тўққиз ёшгача бўлган спортчилар ўртасидаги ушбу халқаро турнирда Ўзбекистон, Қозоғистон, Тожикистон ва Қирғизистон спортчилари иштирок этди.
Мусобақалар натижаларига кўра, Ўзбекистон терма жамоаси 209 очко билан биринчи ўринни эгаллади. 167 очко тўплаган Қозоғистон термаси иккинчи поғонани банд этди. Учинчи ўрин 72 очко жамғарган Тожикистон жамоасига насиб этди. Ўз навбатида, тўртинчи ўринни 26 очко билан Қирғизистон эгаллади.
Жамоаларнинг якуний ҳисоби:
1 ўрин – Ўзбекистон 209 очко;
2 ўрин – Қозоғистон 167 очко;
3 ўрин – Тожикистон 72 очко;
4 ўрин – Қирғизистон 26 очко.
