Осиё чемпионлар лигасининг “А” гуруҳида 2-тур ўйинлари якунланди.
Хабарингиз бор, гуруҳнинг биринчи учрашувида “Бунёдкор” ўз майдонида “Персеполис”га имкониятни бой берди – 0:1. Ҳозиргина якунланган иккинчи беллашувда эса, худди “Пахтакор” рақиблари сингари “қалдирғочлар”нинг гуруҳдошлари ҳам дуранг ўйнади – 1:1. Албатта бу кишини хурсанд қилмасдан қолмайди. Чунки иккинчи ўрин учун кураш сақланиб қолади.
Айтиш керак, учрашув карточкаларга бой тарзда ўтди. Ҳакам чўнтагидан 6та (!) сариқ ва 1та қизил карточка чиқаришга мажбур бўлди. Қолаверса, томонлар биттадан пенальтини кўкка совуришди.
Осиё Чемпионлар Лигаси – 2015
“А” гуруҳи. 2-тур
ЛАХВИЯ (Қатар) – АН-НАСР (Саудия Арабистони) – 1:1 (0:0)
Голлар: Муҳаммад Муса, 47-ўз дарвозасига – 0:1. Владимир Вайс, 51 – 1:1.
Фойдаланилмаган пенальти: Владимир Вайс, 64 (“Лахвия”), Муҳаммад Ал Саҳлавий, 82 (“Ан-Наср”).