Ўзбекистон футбол федерациясида 2014 йил якунлари бўйича бир нечта номинациялар бўйича йилнинг энг яхшиларини тақдирлаш маросими бўлиб ўтмоқда.
Маросимда сўзга чиққан Мираброр Усмонов ўз нутқида футболимиздаги келишилган ўйинлар борасида фикр билдирди.
"Ўзбекистонда келишилган ўйинларни йўқ қилишимиз керак! Тан олишимиз керак, келишилган ўйинлар Олий лигада ҳам, Биринчи лигада ҳам рўй бериб турибди. Буни тегишли жойлардан кузатиб туришибди. Келишилган ўйинларда иштирок этган ўзбекистонлик футболчиларнинг рўйхати бор. БУ рўйхатда клуб раҳбарлари ва мураббийлари ҳам бор. Шуни инобатга олиб қўйинглар, насиб қилса, мен бу йил 2-3 клуб мураббийлари ва клуб президентларини бутун умр футболдан четлатаман", - дейди Мираброр Усмонов.
