Бугун Эрон Пролигасининг 22-тури учрашувлари бўлиб ўтмоқда. Бу турда “Насаф” ва “Бунёдкор” жамоаларининг ОЧЛдаги рақиблари ўзрао туқнаш келишди.
Ўз майдонида “Персеполис”ни қабул қилган Табризнинг “Тракторсозий” жамоаси 1:0 ҳисобида ғалаба қозонди. Учрашувдаги ягона голни теҳронликлар дарвозасига табрезликларнинг 8-рақамдаги вакили Шаҳин Сажебий 62-дақиқада киритди ва жамоасига ғалаба келтирди.
Эслатиб ўтамиз, Шаҳин Сажебий ОЧЛ 1-турида “Насаф” билан бўлган учрашувда 81 дақиқа майдонда ҳаракат қилиб, футбол ишқибозларида ўзининг чиройли ҳаракатлари билан яхши таассурот қолдирган эди.
“Тракторсозий” ушбу ғалабадан сўнг ўз очколар сонини 41тага етказиб олди ва турнир жадвалини 2-поғонасида бормоқда. “Персеполис” эса 26 очко билан 9-ўринда бормоқда.
Эрон Пролигасининг навбатдаги тури 12 март куни бўлиб ўтади. “Тракторсозий” шу куни сафарда Эрон чемпионатининг аутсайдери “Роҳ Оҳан” жамоаси меҳмони бўлади.
