Тошкентнинг “Пахтакор” жамоаси сардори ҳисобланадиган грузиялик футболчи Кахи Махарадзе Грузия терма жамоасига чақирилди.

Грузия 25 март куни Мальта билан ўртоқлик ўйини ўтказади, 29 март кунида эса Евро-2016 учун саралаш босқичи доирасида Германияни қабул қилади. Махарадзе ўша ўйинларда майдонга тушиши ва жаҳон чемпионларига қарши ўйнаши мумкин.

Ўйинлар Борис Пайчадзе номидаги Динаме-аренеда ўтказилиши белгилаб қўйилган.

Маълумот учун, 27 ёшли яримҳимоячи Кахи Махарадзе 2011 йилда “Пахтакор” сафига келиб қўшилган, унгача “Динамо” (Тбилиси), “Чихура”, “Динамо” (Батуми), “Локомотив” (Тбилиси) ва “Локомотив” (Тошкент) жамоаларида тўп сурган.