"Шахтер" бош мураббийи Мирча Луческу чемпионлар лигаси 1/8 финали жавоб учрашувида "Бавария"дан учралган йирик мағлубиятдан сўнг фикрлари билан ўртоқлашди.
"Катта изоҳга ҳожат йўқ. Иккинчи дақиқадаёқ "Бавария"га бундай ёрдам керак эмас эди деб ўйлайман. Қизил карточка нотўғри берилди. ШУ вақтдан бошлаб нима тайёрлаган бўлсак, ҳаммаси ўзгариб кетди. Бошқача ўйнаш керак эди.
Майдонда ўнта бразилиялик эмас, ўнта немис бўлиши керак эди. Биз улар биздан кучли бўлган жабҳалари - интизом, характер ва яккакурашлар сабабли ютқаздик.
Ўйин Срна майдонни тарк этиб, рақиб учинчи голни урганиан сўнг тугаган эди. Камчилик бўлиб тўпни йўқотиш қийин эмас. Ўзимизни оқламаймиз. Хафа бўлган жойим - катта жамоаларга ҳар доим ёрдам берилиши", - дейди Луческу.
