Осиё чемпионлар лигасида 2-тур ўйинлари бўлиб ўтди. Афсуски, Ўзбекистон клублари бу турда ғалаба қозона олишмади. Жамоаларимизнинг иккитаси дуранг ўйнаган бўлса, иккитаси ютқазди. Коэффициентлар жадвалига назар ташлашда давом этамиз.

ҒАРБ: ЭНГ ЮҚОРИ БАЛЛ — ЭРОНДА
Жамоаларимизнинг 2та дурангидан кейин коэффициентлар жадвалининг “клублар” қисмида ҳисобимизга 0,5 балл қўшилди, холос. Иккита жамоа билан ОЧЛда иштирок этаётган БАА ҳам 0,5 рейтинг баллига эга бўлди. Натижада жадвалда Амирлик ва Ўзбекистон орасидаги 5 очколик фарқ сақланиб қолди. 

Ғарб минтақасида энг кўп очкони Эрон тўплади. Форс жамоалари бу турда 8 очкони қўлга киритишди (2та ғалаба, 2та дуранг). Бу эса уларга 2 рейтинг баллини келтирди. Икки клуби билан мусобақада қатнашаётган Қатар ҳам битта ғалаба ва битта дуранг орқали ўз ҳисобига 2 рейтинг баллини қўшиб қўйди. Натижада Қатар жадвалда Кувайтда ўтиб кетди ва 5-ўринга кўтарилиб олди. Саудия эса “Ал-Аҳли” клубининг ғалабаси (“Насаф” устидан) эвазига нисбатан яхшироқ қайд этди. Сўнгги ўйингача саудияликларнинг 2та клуби дуранг ўйнаб, биттаси ютқазганди.

Давоми Олимхўжа Бўронов блогида.