Kirish Ro'yxatdan o'tish
04/12 00:30 Arsenal 2-0 Brentford
04/12 00:30 Brayton 3-4 Aston Villa
04/12 00:30 Byornli 0-1 Kristal Pelas
04/12 00:30 Vulverhempton 0-1 Nottingem Forest
04/12 01:15 Lids 3-1 Chelsi
04/12 01:15 Liverpul 1-1 Sanderlend
05/12 01:00 Man. Yunayted 1-1 Vest Xem
06/12 01:00 Real Ovyedo - Malyorka
06/12 17:30 Aston Villa - Arsenal
06/12 18:00 Vilyarreal - Xetafe
06/12 19:00 Sassuolo - Fiorentina
06/12 20:00 Everton - Nottingem Forest
06/12 20:00 Manchester Siti - Sanderlend
06/12 20:00 Nyukasl - Byornli
06/12 20:00 Tottenhem - Brentford
06/12 20:00 Bornmut - Chelsi
06/12 20:15 Alaves - Real Sosyedad
06/12 22:00 Inter - Komo
06/12 22:30 Lids - Liverpul
06/12 22:30 Betis - Barselona

Blog

Tanganing ikkinchi tomoni

Бум! «Реал» операцияси: Аввал Холанд, кейин Мбаппе

Баҳо:
+0; -0

Stadion.uz “Реал Мадрид” устози Флорентино Переснинг қай даражада ўз ваъдасидан чиқа олиши мумкинлиги борасида фикр алмашади.

Испаниянинг “Marca” нашри берган хабарларга қараганда, “қироллик клуби” пандемия даврида ҳам жамоанинг келажакдаги трансферлари борасида бош қотиришда давом этмоқда. Кеча Испаниянинг биринчи рақамли нашрининг журналида: “Холанд, кейин Мбаппе” номли мақола эълон қилинди. Катта эҳтимол билан бу ҳазил эмас.

“Реал Мадрид”нинг ҳозирги паллада катта трансферларга қўл уришига вирус тўсқинлик қилиш ўрнига кўмак бериб юбориши ҳеч гап эмас. Айни дамда Переснинг столи устида шунчаки тахминлар эмас, ҳужум чизиғини ривожлантириш борасида аниқ бир режа бор эканлиги кўрниб турибди.

Агар Мбаппе ва Холандни Мадридга олиб келишнинг уддасидан чиқилса, сўзсиз “Реал Мадрид” мухлисларини “Галактикос”нинг 3-авлоди билан табриклашимиз мумкин. Шундай бўлса-да, бу трансферни амалга ошириш осон бўлмаслиги турган гап. Катта трансферлар учун катта пуллар ва улкан маошга эга шартномалар талаб этилади. Шундай бўлсада, “айёр тулки” – Флорентино Перес бу йигитларни қўлга киритиш учун қўлидан келган барча ишни уддабуронлик билан бажариши аниқ. Шундай экан, ўз вақтида Бекхэм, Зидан, Оуэн, Роналдо, Роналду, Кроос, Модрич, Рамос ва бошқа кўплаб юлдузларни жамоасига олиб келган Перес учун Мбаппе ва Холанд трансфери катта муаммо туғдирма керак.

Боз устига, “Реал Мадрид”нинг ҳужум чизиғида бугун муаммолар яққол кўзга ташланиб турибди. Роналду бор пайтда, бу нарса кўзга ташланмаётган эди. Афсуски, бугунги кунда “Реал Мадрид” ҳужум чизиғида бутун дунёда мухлислари бор бирорта футболчи қолмади. Стабиллик етишмайдиган Бензема ва Бэйлдан ташқари, ҳатто терма жамоага ҳам кам чақирилувчи Винисиусни, тез орада жамоадан кетиши кутилаётган Васкес, жароҳатдаги Асенсио, ўспирин Родриго, нима учун харид қилингани жумбоғ бўлган Хамес сингари футболчилар ўрнини янги мегаюлдузлар эгаллаши мантиқан тўғри. Бугунги кунда “Реал” дунёдаги энг кучли ҳимоя ва ярим ҳимояга эга. Дарвозабон борасида ҳам муаммолар бартараф этилди ҳисоб. Энди навбат ҳужумга! Тан олиш лозим, қария Перес ишни кўзини биладиган президент. Бежизга Мадрид клуби унинг қўлостида Европани бир неча бор забт этгани йўқ.

Холандни Мадридга олиб келиш “Реал” учун катта муаммо туғдирмаслиги турган гап. “Боруссия Дортмунд” “қаймоқранглилар” босимига дош бермаслиги турган гап. Афсуски, Мбаппе борасида бундай деб бўлмайди. Қатар амирлари Киллианни жамоада сақлаб қолиш эвазига клубни “Барселона” ва “Реал” даражасига олиб чиқишни режа қилмоқда. Бу ҳақида, яқинда расмий маълумот ҳам берилганидан хабарингиз бор. Шунга қарамай, “Marca”бежизга Мбаппенинг трансферини кейинги йил амалга ошишига шаъма қилгани йўқ. Гап шундаки, Мбаппе ва “ПСЖ”ўртасидаги шартномага кўра, Агар парижликларўз ҳужумчисини келаси йил сотиб юбормаса, унда эркин агент мақомига эга бўлиш ҳуқуқи пайдо бўлади. Яъни, Киллиан жамоа билан шартнома тузишдан бош тортади ва шартнома муддатини ўтиб бўлгач (3 йилдан сўнг),истаган жамоаси билан шартнома тузиши мумкин. Шунга қарамай, тез орада ПСЖ Киллианни ҳайратда қолдиришга қодир шартноматаклиф этиши кутилмоқда. Шундай экан, Перес режасининг иккинчи қисми 50/50 бўлиб турибди.

Холанд 75 миллион евро

Тўғри, Роналду кетгач, Карим кўп гол киритишни бошлади, бироқ тан олиш лозим,у жарима майдончаси ичидаги қотил эмас. У шунчаки жамоавий ҳужумда беназир форвард. Йович борасида ҳам бирорта илиқ фикр билдиришнинг иложи йўқ. У катта эҳтимол билан ижара асосида келаси мавсум бошқа жамоа шарафини ҳимоя қилади. Шундай экан, бугунги кунда “Реал” учун чинакам 9-рақам эгаси сув ва ҳаводек зарур. Тез орада 33 ёшни қарши олувчи Каримнинг ўрнини босишга қодир футболчиларни излаб топиш осон иш эмас. Норвегиялик футболчининг агенти – Мино Райола мижози камида 2021-йилга қадар Дортмундда қолиши, бироқ ундаги прогресс сабабли ҳаммаси 2020-йилда ўзгариб кетиши мумкинлиги ҳақида баёнот берганидан хабарингиз бор. Эътиборлиси шундаки, Райола “Боруссия” билан мижози шартнома имзолаётганида Эрлинг учун ажойиб бир бандни шартномага қўштирган эди. Унга кўра, футболчи учун бир нечта клуб 75 миллион евро таклиф қилса, немис клуби уни сотишга мажбур. Бу клублар рўйхатида “Реал Мадрид”нинг борлиги кундек равшан.

“Агар “Реал” мени кузатаётган бўлса, демак барчасини тўғри амалга оширяпман. Бу ёқимли ҳолат.Тайёрманми? Аввало бундан нима ютишим ва нималарни бой беришимни ўйлаб олишим керак”.

Кейин Мбаппе!

“ПСЖ” жамоаси Киллианни олиб қолиш мақсадида ҳатто Неймардан воз кечишгача бориши аниқ. Боз устига, коронавирус сабабли пайдо бўлаётган муаммолар юлдуз футболчиларни жамоада олиб қолишни янада мушкуллаштириб юбормоқда. 2021-йилга келиб, Париж клубида вазият қандай бўлиши даргумон. Куни кеча “ПСЖ” жамоасининг собиқ футболчиси Жероми Ротен берган интервьюдан сўнг, Мбаппенинг “Реал Мадрид”га ўтиши борасидаги миш-мишлар янада авж олди.

“Ўз манбаларимга суяндан ҳолда шуни айтишим мумкинки, Мбаппе аллақачон бир оёғи билан “Реал Мадрид” футболчиси бўлиб улгурди. Қатар амирларининг вазиятга аралашгани боис, бу мавсумда Киллиан Парижда қолади, бироқ келаси мавсум у барибир Мадридга кўчиб ўтади”.

Корона-танаффус нафақат клубларнинг, балки футболчиларнинг ҳам режаларини бузиб юборди. Киллиан бу йили Олимпиада ва Европа чемпионатида тўп суриши керак эди. Бу мусобақалардаги зафарли юриш унинг қийматини янада ошириши кутилаётган бир пайтда, барчаси кейинги йилга қолдирилди. Бундан ташқари, Мбаппе Париж клуби билан яхши алоқаларни сақлаб қолган холда хайрлашмоқчи. Футболчи парижликлар томонидан берилган барча ваъдаларининг устидан чиққани учун миннатдор.

“Реал” ва Париж клуби ўртасидаги муносабатлар анча дўстона алфозга келиб улгурган. Катта эҳтимол билан 2021-йилда Мбаппе катта сумма эвазига (“ПСЖ”ни хафа қилмайдиган сумма) Мадридга кўчиб ўтади. Киллиан ва Зидан ўртасидаги ўзаро қизиқиш шу йўсинда якун топиши анча олдин таниқли нашрлар томонидан башорат қилингани бежиз эмас. Фақат корона-танаффуснинг якунини кутиш қолди холос.

Агарда “Реал Мадрид” “Аввал Холанд, кейин Мбаппе” операциясини муваффақиятли амалга оширса, иккита порлаб чиқаётган юлдузларнинг “даҳшатли” тандемини кўриш имконимиз пайдо бўлади. Фақат вирус тезроқ ортда қолса бўлгани. Ҳозир бу тандемни кўришимиз учун шу тўсиқдан ўтишимиз керак. Қолган деярли барчаси ҳал этилган.

Киритилган сана: 19.04.2020 00:50. Ўкилди: 6967 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.