Kirish Ro'yxatdan o'tish
01/05 00:00 Bavariya - Real Madrid
01/05 00:00 Bavariya 2-2 Real Madrid
02/05 00:00 Borussiya D 1-0 PSJ
02/05 20:30 Iroq - Indoneziya
02/05 23:30 Chelsi - Tottenhem
03/05 20:30 Yaponiya - O‘zbekiston
03/05 22:00 Tuluza - Monpelye
03/05 23:45 Torino - Bolonya
04/05 00:00 Luton - Everton
04/05 00:00 Lans - Loryan
04/05 00:00 Xetafe - Atletik Bilbao

Blog

Tanganing ikkinchi tomoni

Пепнинг нишонга тегмаган ўқлари

Баҳо:
+0; -0

 

Stadion.uz Пеп Гвардиоланинг омадсиз трансферларини эсга олиб ўтади.

Гвардиола фаолиятидаги энг омадcиз трансфер сифатида Златан Ибраҳимовични кўрсатишларига ўрганиб қолганмиз. Испаниялик мутахассиснинг яна қандай омадсиз трансферлари билан танишсиз? Бугун Пеп томонидан якунда ҳеч қандай наф келтирмаган ҳаридлар билан қисқача танишиб чиқамиз.

Жон Стоунз

Англиядаги барча совринларни қўлга киритган ҳимоячи ҳақида бундай фикр билдириш бир қарашда нотўғридек туюлар, бироқ 50 миллион евролик ҳимоячи ўзидан кутилган ўйинни намойиш эта олмагани айни ҳақиқат! Пеп жамоасида доимо ҳимоячилар катта ҳажмдаги маъсулиятли ишни амалга оширишига ўрганиб қолганмиз. Статистик маълумотларга қараганда, Жон “Манчестер Сити” таркибидаги энг кўп позицион хатога йўл қўювчи ҳимоячи экан. Дарҳақиқат, Жон шаҳарликларнинг мутлақ ғолиблиги билан якунланган 2017/18-йилги мавсумда атиги 18 бор майдонга тушган холос. Пеп 50 миллион евролик ҳимоячига ҳеч қачон энг муҳим вазифаларни топширмаган. Шундай экан, бу трансферни омадли деб бўлмайди.

Александр Глеб

Каталонияга кўчиб ўтиш Глебнинг фаолиятида олдинга қадам бўлиши кутилган эди. Сабаби, беларуслик футболчи АПЛда ўзини жуда яхши намойиш этган ва янги чақирувларни қабул қилишга тайёр эканлигини барчага исботлаб қўйган эди. 2008-йилда “Барселона” либосини кийган футболчи Гвардиола кутган эффектни бергани йўқ. Пеп ярим ҳимоячи учун 15 миллион евро сарф этган бўлсада, ундан деярли фойдалангани йўқ. Александр 4 йил давомида турли клубларда ижара асосида ҳаракат қилди ва ўз юртига қайтиб кетди. Кейинчалик, “Арсенал”ни бекор тарк этганини ўзи ҳам тан олди.

Иброҳим Афеллай

Голландиялик иқтидор эгаси 2010-йилда шахсан Гвардиоланинг талаби билан “Барселона” томнидан сотиб олинади. Тезкор, қанотда ҳам,марказда ҳам бирдек тўп суришга қодир футболчи янги юлдуз бўлиши тахмин қилинган эди. Боз устига, уни шахсан Пеп жамоада кўришни истагани Афеллайни катта босим остида қолиб кетишига сабаб бўлди. Шундай бўлсада, Месси, Вилья, Хави, Иньеста сингари футболчилари бор жамоанинг асосий таркибига кириш осон бўлмаганини инобатга олиш даркор. Афеллай бор йўғи 35 та учрашувда майдонга тушди холос. Турли клублардаги ижаралар ҳам уни Каталония клубида оқлишини таъминлай олгани йўқ. Оқибатда, 2015-йил Иброҳим Англиянинг “Сток Сити” жамоасига ўтиб кетди.

Нолито

Гвардиоланинг “Манчестер Сити”даги биринчи харидларидан саналмиш Нолито борасида илқ сўзларни айтишимиз мумкин. Испанияда ўзини кўрсата олган ҳужумчи АПЛга ўтгач, аввалига наф келтиргандек кўринди, бироқ якунда омадсиз трансферга айланиб қолди. Туманли альбиондаги шиддатга дош бермаган испан секин-аста таркибдан тушиб қолишни бошлади. Тезкорлик биринчи ўринга кўтариладиган мусобақада техникага таянган футболчидан катта наф йўқлигини англаган Гвардиола унинг кетиши рухсат беришдан бошқа чора топа олмади. Ушбу трансфер сабабли “шаҳарликлар” 11 миллион евро йўқотишди. Бундан ташқари, Пеп ўзи истаган савиядаги ижрочиларни танлашда яна бир бор адашганини расман тан олди.

Дмитрий Чигринский

Дмитрий Украина футболи тарихидаги “Барселона”да тўп сурган ягона футболчи саналади. Қаҳрамонимиз Каталонияга кўчиб ўтишидан аввал испан тилини ўрганган, жамоанинг ўйин услубини амалий ўзлаштириш ишларини олиб борганига қарамай, унинг трансфери омадсиз бўлиб чиқди. Ваҳоланки, ҳимоячи учун “Барса” 25 миллион евродан воз кечган эди. Ўша даврлар учун анча катта сумма бўлишига қарамай, Гвардиола Чигринский учун етарлича ўйин амалиётини тақдим эта олмади. Қайсидир маънода мураббийни ҳам тушунса бўлади. Жамоада Пике ва Пуйольсингари ижрочилар бор пайтда, Чигринскийда имконият ўз-ўзидан камайиши аниқ. Афсуски, украиналик футболчи жамоада қолишни уддалай олмагач, ортга “Шахтёр”га қайтиб келди. Айни дамда, ҳимоячи Грециянинг АEК клуби шарафини ҳимоя қилмоқда.

Киритилган сана: 19.04.2020 01:09. Ўкилди: 2086 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.