Angliya chempionati 20-turining so‘nggi uchrashuvida "Tottenhem" "Chelsi"ni qabul qilib 2:0 hisobida g‘alaba qozondi.
Birinchi bo‘limga qo‘shib berilgan daqiqalarda Uokerdan to‘pni qabul qilib olgan Eriksen to‘pni raqib jarima maydonchasi markaziga havolatib oshirdi, Dele Alli boshi bilan darvozani nishonga olib, hisobni ochdi.
54-daqiqada yana Eriksensh Uokerdan to‘pni qabul qilib oldi va yana Kurtua darvozasi tomon havolatib oshirdi. Bu yerda Alli Aspilikuetadan biroz chaqqonlik qilib, boshi bilan to‘pni darvozaga joyladi - 2:0. Shu tariqa Delli Alli qatorasiga APLning uch uchrashuvida dubl qayd etdi.
"Chelsi"ning 13 uchrashuvlik g‘alabalar seriyasi shu yerda to‘xtadi va jadvalda yetakchilik qilayotgan londonliklar ta’qibchilaridan ancha ilgarilab ketish imkoniyatidan foydalana olmadilar.
Tottenhem – Chelsi 2:0 (1:0, 1:0)
Gollar: 1:0 – 45 Alli, 2:0 – 54 Alli.
Tottenhem – Lyoris, Vertongen, Rouz, Uoker, Alderveyreld, Vanyama, Dayer, Alli (Sissoko, 86), Dembele (Uinks, 74), Eriksen, Keyn (Son Xin Min, 90).
Chelsi – Kurtua, David Luiz, Keyxill, Alonso (Villian, 65), Aspilikueta, Kante (Fabregas, 79), Mozes (Batshuayi, 85), Pedro, Matich, Azar, Diyego Kosta.
Ogohlantirishlar: Pedro (18), Keyxill (38), Vanyama (40), Alli (45), Rouz (87).
